Medya Çinar a li Girtigeha Mêrdînê li dijî tecrîdkirina Ocalan çalakiya canbexşane pêk anî û şehîd bû cenazeyê wê li Morga Nexweşxaneya Mêrdîn tê rawestandin û nadin malbatê. Leşkeran gundê Margik ê Qosera Mêrdînê ku dê cenazeyê Çinar lê bi definkirin dorpêç kiriye û destûr nade kes derbasî gund bibe
Li Girtîgeha Tîpa E ya Mêrdînê girtiya jin a bi navê Medya Çinar li dijî tecrîdkirina Rêberê Gelê Kurd Abdullah Ocalan çalakiya canbexşane pêk anî û şehîd bû. Cenazeyê Medya Çiran ji saetên serê sibê ve ye li Saziya Tiba Edlî ya Nexweşxaneya Mêrdînê tê rawestandin. Di heman demê di nav de parlamenterên HDP’ê yên Mêrdîn jî heye malbat û welatî li ber ber nexweşxaneyê radiwestin. Malbat li bendê ye ku cenazeyê keça xwe Medya Çinar bigirin û bin li gundê Margik yê Qosera Mêrdînê defin bikin. Lê belê dewleta tirk wekî cenazeyên çalakgerên canbexşane yên din yê Çinar jî nadin û guman heye ku wekî cenzeyên din bi korsanî û di bin dorpêça leşker û polîsan defin bikin.
Her wiha gundê Margik ê ku dê cenazeyê Çinar lê bi definkirin jî ji aliyê leşkerên tirk ve hatiye dorpêçkirin û destûr naye dayîn ku tu kes ji der ve derbasî gund bibin. Leşker bi hinceta ku ‘Fermana Walî’ heye destûrê nadin kes derbasî gund bibin. MÊRDÎN
