Dayîka 85 serrî Zeynepa ke qezaya Erebgirî ya Meletîye ronişena HDPyijê ke seba weçînitişî xebetîyenî rê vatbî: “Tena lajêk mi esto, o zî Demîrtaş o. O zindan ra vejêne. Sewbîna ti waştişêk mi çin o.” Selahattîn Demîrtaşî zî zindan ra kartêk erşawit dayîka Zeynepe rê
Dayîka 85 serrî Zeynepa ke taxa Onerî ya qezaya Erebgirî ya Meletîye de ronişena, 19ê Adare de xebatkaranê weçînitişî yê HDPyî rê vatbî: “Tena lajêk mi esto, o zî Demîrtaş o. O zindan ra vejêne. Sewbîna ti waştişêk mi çin o.” Selahattîn Demîrtaşî zî Zindanê Edîrne ra kartêk erşawit dayîka Zeynepe rê.
Demîrtaşî bi rayîrê parlementera HDPyî ya Amedî Semra Guzele kart erşawit dayîka Zeynepe rê û wina va: “Dayîka mi ya ercîyaye; silamê to ameyî. Ez zaf kêfweş bîya. Wa zerrîya to asan bo, ez zaf baş a. Çimkî ma zerrîya mîlyonan kesan de yî. Ez lewnana destanê to. Xoma rojanê derg û dilayan bikero para ma. Lajê to Selahattîn Demîrtaş.”
Dayîka Zeynepe badê kartê Demîrtaşî weriş xo ser û lewna kartî ro. Sewbîna Demîrtaş seba Dayîka Zeyneke şalêk erşawit.
Dayîka Zeynepe badê wendişê kartê Demîrtaşî va: “Lajê mi ez zaf to ra hes kena. Seyan dayîkî sey to lajan bîyarî dinya. Ti weşik î, tacê serê ma yî, nûrê çimanê mi yî. Seke mi to dîyo. Mi xelatanê to girewte. Ez zerrî ra to hes kena. Domanê mi çin î. Ez dayîka, la ciwanan ra zaf hes kena. Canê mi qurbanê to bo. Kesêk ra nêtersena.” MELETÎ
