Li Kazakîstanê helîkoptereka bi tîpa Mi-8 ku aydê Wezareta Parastinê ya Kazakistanê bû, ket û 13 kesan jiyana xwe ji dest dan
Li Kazakîstanê helîkoptereka leşkerî ket. Têkildarî mijarê serokomarê Kazakistanê Kasim-Jomart Tokayev li ser hesaba xwe ya twîtterê daxuyaniyek da û diyar kir ku helîkoptereka Wezareta Parastinê ya Kazakistanê di roja çarşemê de li herêma Kizilordayê ketiye.
Di berdewama peyama xwe de jî Tokayev destnîşan kir ku dema helîkopter di çarçoveya tetbîqata leşkerî ya navbera Aktav û Çîmkentê de difiriya, ketiye xwarê.
Serokomar Tokayev herî dawî jî got ku têkildarî mijarê daxwaza lêpirsînê kiriye û sersaxî ji malbatên kesên jiyana xwe ji dest dane, xwest.
Hat zanîn ku helîkoptera ku ketî bi tîpa Mi-8 e û di encama ketinê de jî 13 kesan jiyana xwe ji dest daye.
