Mutefîkên NATO’yê yên ku xwediyê balefirên şer ên F-35’in û DYE di warê S-400’an de bi fikar in. Fikarên wan ev e ku Rûsya bi pergala parastina fuzeyan a S-400’an karibe F-35’an bişopîne û ev jî bibe sedem ku di dahatûyê de ev proje li hemberî çekên Rûsyayê bê parastin bimînin
Ji ber ku Tirkiyeyê li Rûsyayê pergala parastina fuzeyên S-400’an kirî, aloziya di navbera Enqere û Washîngtonê kûrtir dibe.
Rayedarên ji Amerîkayê ji Reûtersê re axivîn, diyar kirin ku heke Tirkiye ji projeya jeta şer a F-35’an derkeve ji ber rola wê ya di pêvajoya hilberînê de dê astengî çêbibe.
Çavkaniya ku navê xwe neda, diyar kir ku ji bo F-35’an nêzî 800 parçe hatine hilberandin û hinek ji van parçeyan jî bi dijwarî tên peydakirin.
Heman çavkaniyê da zanîn ku ji bo hilberandina hin parçeyan teklîfên şîrketên din hene û got ku şûna Tirkiyeyê dikare were dagirtin.
Mutefîkên NATO’yê yên ku xwediyê balefirên şer ên F-35’in û DYE di warê S-400’an de bi fikar in. Fikarên wan ev e ku Rûsya bi pergala parastina fuzeyan a S-400’an karibe F-35’an bişopîne û ev jî bibe sedem ku di dahatûyê de ev proje li hemberî çekên Rûsyayê bê parastin bimînin.
Patrîck Shanahan ê ku wekaletî ji Wezareta Parastinê ya DYE’yê re dikir, diyar kiribû ku Tirkiye ji dêvla S-400’an divê pergala fuzeyan a Patrîot bikire
Ji ber ku Tirkiyeyê daxwazeke wisa nekiriye tê diyarkirin ku DYE li alternatîfan digere.
