Hemserekê Pêroyî yê HDPyî Sezaî Temellîyî qezaya tarîxî ya Sûrî de weçînitoxan reyde kom bî. Hemwelatijê Sûrî vatî ‘Ma do qayûma bierşawî Anqara’ û Temellî zî va ‘Ma do kavil dewr bigîrî.’
Hemserekê Pêroyî yê Partîya Demokratîke ya Şaran (HDP) Sezaî Temellîyî qezaya tarîxî ya Sûrî ya Amedî de weçînitoxan reyde kom bî. Temellî qehwexaneyeko taxa Cadeya Melîkahmetî zîyaret kerd û pêroyê rayîrî ser de hetê şarî ra ame pêzwazîkerdene. Temellî şarî reyde derbazê qehwexane bî û înan reyde sohbet kerd. Cinî, doman, ciwan, kal û pîrî herikîyayî qehwexane û girse heta teberê qehwexane debî. Qehwexane de çay ame îkramkerdiş. Namzedê Hemşaredarîya Bajarê Girdî yê Amedî Selçuk Mizrakli, Namzedê Hemşaredarîya Sûrî Fîlîz Bûlûttekîn û Cemal Ozdemîrî zî Temellî reyde bî.
Ma do qayûman bierşawî Anqara
Zîyaretê qehwexane de doman vernî de bî û Temellî waştişanê domanan. Hemwelatîyê Sûrî dîyar kerdî ke ê do 31ê Adare de qayûman bierşawî Anqara û Temellî ra waştî ke taxa înan de keyeyê şînî bêro viraştiş. Hemwelatîyê Sûrî sewbîna hetê perwerdeyî de piştî waştî û çinbîyayîşê raşteyê kayî yê domanan ra gerreyan kerdî. Hemwelatîyî dayî zanayene ke problemê înan yê betalî esto û waştî ke problemê înan bêrî çareserkerdene. Sûrijî wazenê ke tarîxê Sûrî bêro pawitene û reaksîyon nîşanê vatişê Serekkomar Tayyîp Erdoganî yê hemverê kurdan dayî.
Domanî hewzeya asnawe waştî
Domanê ke dormeyê Temellîyî de arê bîyî, Temellî ra waştî ke hewzeya asnawe taxa înan de bêra viraştene. Xebatkarê qehwexane zî Temellî ra vatî: “Şima do kavil dewr bigîrî. Bi tonan deynê qeza û bajarê girdî esto.”
Hemwelatîyan dawetê mîtîngê Amedî kerd
Temellî badê qehwe, esnafê Cadeya Melîkahmetî zîyaret kerd. Hemwelatijê Sûrî vatî ‘Ma do qayûma bierşawî Anqara, Sûr yê ma yo’ û Temellî zî va ‘Ma do kavil dewr bigîrî.’ Temellî raştê eleqeyêko gird ame û girse Temllî reyde gêra. Tewr peynî Temellî seba mîtîngê fînalî yê Amedî ke do siba Raşteyê Îstasyonî de virazîyo vengê tewrbîyayîşî kerd. AMED
