Mîtîngê fînalî yê HDPyî ke do ewro Amed û Mêrdîn de bi tewrbîyayîşê Hemserekê Pêroyî yê HDPyî Sezaî Temellî bi ameyene viraştene, varayîşê varano zêde vera ameyî betalkerdene
Partîya Demokratîke ya Şaran (HDP) çarçeweya xebatanê weçînayîşê herêmî de yena peynîya xebatanê xo. HDP do ewro mîtîngê fînalî yê Amedî û Mêrdînî bi tewrbîyayîşê Hemserekê Pêroyî yê HDPyî Sezaî Temellî biviraştêne, la varayîşê varano zêde vera ameyî betalkerdene. Goreyê eşkerayîya Merkezê Pêroyî yê HDPyî Sezaî Temellî û namzedanê HDPyî do saet 16.00î de Buroya weçînayîşî ya Artuklu de şarî reyde bêrî têhet û Mêrdîn û qezayanê ci de zî esnayan zîyaret bikerî..
Mîtîngê Amedî ame betalkerdene
Sewbîna ameyêne plankerdene ke do ewro Raşteyê Îstansyonî yê Amedî de bi tewrbîyayîşê Sezaî Temellî, Namzedê Hemşaredarîya Bajarê Girdî yê Amedî û namzedê hemşaredarîye yê qezayan mîtîngê fînalî yê Amedî biameyêne viraştene, la varayîşê varano zêde vera mîtîng ame betalkerdiş. Eşkerayî hetê Rêxistinê Bajarî yê Amedî yê HDPyî ra ame kerdene. AMED/MÊRDÎN
