Wezareta Têkiliyên Karên Derve ya Iraqê bi daxuyaniyekê xwest ku dewleta tirk hêzên xwe yên li ser axa Iraqê vekişîne. Wezaretê da zanîn ku di mijara derxistina dewleta tirk a ji Iraqê de, hemû dewletên ereb xwedî heman helwestê ne
Dadgeha cezayê ya Iraqê biryara girtina kesên ku rê li ber dewleta tirk vekirin da ku bikevin axa Iraqê, dabû. Dadgeha cezayê ya Iraqê di 18’ê cotmeha sala 2016’an de bi tewanbariya ‘sîxûrtiyê ji dewleta tirk re dike’, biryara binçavkirina waliyê berê yê Mûsilê Esîl Nûcîfî dabû.
Wezareta Têkiliyên Karên Derve ya Iraqê îro careke din têkildarî derxistina hêzên artêşa tirk a ji nava xaka Iraqê, daxuyanî da. Berdevkê Wezareta Têkiliyên Karên Derve yê Iraqê Ehmed Sehaf got ku hemû welatên ereb, ji bo derxistina dewleta tirk a ji nava axa Iraqê xwedî heman helwestê ne.
Hêjayî bibîrxisitnê ye ku welatiyên başûrê Kurdistanê jî ji bo derxistina artêşa tirk ji nava xaka Iraqê, çalakiyên mezin pêk anîbûn. Di vê çarçoveyê de li Şêladizê welatî ketibûn baregehên leşkerî yên dewleta tirk û şewitandibûn. Di sala 2013’an de jî ji bo derxistina artêşa tirk a ji axa Başûr, kampanyaya îmzeyan hatibû destpêkirin û zêdetirî milyonek kesî ev kampanya îmze kiribû. BEXDA
