Girtiyên siyasî Kemal Argiş, Yahya Ozmen û Vezîr Îbosovîc ku li Girtîgeha Tîpa F ya Edîrneyê tên girtin, ji ber ku nexwestin tev li danişîna doza xwe bibin ji hêla rêveberên girtîgehê ve hatin derbkirin û lêdanê birin dadgehê
Der barê girtiyên bi navên Kemal Argiş, Yahya Ozmen û Vezîr Îbosovîc ku li Girtîgeha Tîpa F ya Edîrneyê tên girtin, bi hinceta ku çalakî li dar xistine doz hatibû vekirin. Danişîna doza Argiş, Ozmen û Îbosovîc, pêr li Dadgeha Cezayên Eslî ya Edîrneyê hate dîtin.
Hat zanîn ku her sê girtiyên siyasî ku ji bo rakirina tecrîda girankirî ya li ser Rêberê Gelê Kurd Abdullah Ocalan ji 1’ê adarê ve di greva birçîbûnê ya bêdem û bêdorveger de ne, nexwestin tev li danişîna dozê bibin.
Li gorî agahiyan, girtiyên ku beşdarbûna danişînê red kirin ji hêla gardiyanan ve hatin derbkirin. Hat ragihandin rayedarên girtîgehê bi lêdan û darê zorê her sê girtî birine dadgehê. EDÎRNE
