AKP û qeyûm ku li Wanê navê kreşa Perperok rakirin û perwerdehiya zimanê kurdî lê qedexekirin, niha di rekmanên xwe yên hilbijartinê de îdia dikin ku li kreşê perwerdehiya kurdî û tirkî didin
AKP û qeyûm ku li Wanê navê kurdî ya Perperok ku dema Şaredariya Mezin a Wanê DBP’ê hatî vekirin, rakirî û perwerdehiya kurdî qedexe kir, niha di reklama hilbijartinên xwe de, propagandaya perwerdehiya kurdî û tirkî didin, dikin.
Li Perpoerokê bi sedan zarok perwerde dît. Kreş bê pere bû û gelê Wanê eleqeyeke mezin nîşan didan. Bi kreşa pêşî ya kurdî ku Şaredariya Mezin ava kiribû, cara pêşî zarokên kurd perwerdehiya bi kurdî didîtin. Piştî vê li navçeyên Wanê û li herêma Serhedê li pey hev di bin banê şaredariyên DBP’ê de gelek kreşên kurdî hatin vekirin. Ji bo ku li Kurdistanê perwerdehiya bi kurdî berbelav bû dewleta tirk ji vê yekê tirsiya. Bi vê tirsê re piştî ku qeyûm Şaredariya Wanê dagir kir, destpêkê navê kurdî yê kreşa Perperokê û perwerdehiya bi kurdî qedexe kir û navê Perperokê kir ‘Çocuk Kreşî’ û li şûna kurdî perwerdehiya bi tirkî dan. Her wiha kreşa ku bêpere bû jî kir bi pereyan.
Lê niha namzetê şaredariyê yê AKP’ê yê Wanê di reklamên xwe yên hilbijartinê de propaganda dike ku ew li kreşa ku kurdî qedexe kiribûn, perwerdehiya kurdî û tirkî didan.
Malbatên zarokên ku berê diçûn kreşê li dijî qeyûm û AKP’ê helwest nîşan dan û gotin ku ev 2 sal in li kreşê kurdî qedexe ye, hişmendiya ku kurdî qedexe kiriye, bi hilbijartinan re serî li derewan kiriye. WAN
