Derbarê hevserokên HDP’ê Pervîn Buldan û Sezaî Temellî û Serokê Giştî yê CHP’ê Kemal Kiliçdaroglu jî di nav de ji bo 43 parlamenteran 83 fezleke hatin amadekirin
Der barê hevserokên HDP’ê Pervîn Buldan û Sezaî Temellî, Serokê Giştî yê CHP’ê Kemal Kiliçdaroglu jî di nav de ji bo 43 wekîl bi daxwaza destnedayîna wan bê rakirin 83 fezleke hatin amadekirin. Feleyekên ku hatin amadekirin şandin Komîsyona Edalet û Makeqanûnê.
Ji van 43 kesan 38 jê wekîlên HDP’ê ne. Yek jê parlamenterê TÎP’ê Bariş Atay, Kiliçdaroglu jî di nav de 3 wekîlên CHP’ê û yek jê jî wekîlê AKP’ê yê Kastamonu Hulusî Şenturk e.
Navên parlamenterên HDP’ê ku fezleke der barê wan de hat amadekirin wiha ne: Omer Ocalan 3, Huseyîn Kaçmaz 1, Mehmet Ruştu Tiryakî 2, Musa Farisogullari 5, Murat Sarisaç 1, Mensur Işik 1, Mahmut Togrul 2, Nuran Îmîr 1, Tayîp Temel 1, Tuma Çelîk 2, Semra Guzel 5, Abudullah Koç 1, Berdan Ozturk 5, Salîha Aydenîz 5, Ayşe Acar Başaran 4, Saît Dede 2, Şevîn Coşkun 1, Ayşe Surucu 4, Remziye Tosun 5, Feleknas Uca 1, Îmam Taşçier 2, Dersîm Dag 5, Meral Daniş Beştaş 1, Pero Dundar 1, Erdal Aydemîr 2, Pervîn Buldan 2, Kemal Bulbul 1, Sezaî Temellî 1, Gulistan Kiliç Koçyigît 1, Serpîl Kemalbay 1, Selçuk Mizrakli 2, Bedîa Ozgokçe Ertan1, Ebru Gunay 1, Huda Kaya 1, Fatma Kurtulan 1, Dîlan Dîrayet Taşdemîr 1 û Nusrettîn Maçîn 1 fezleke hatin amadekirin.
Têkildarî Serokê Giştî yê CHP’ê Kemal Kiliçdaroglu 1, wekîlên CHP’ê Murat Bakan 1, Kamîl Okyay Sindir 1 fezleke hatin amadekirin.
Derbarê parlamenterê Partiya Karkeran a Tirkiyeyê (TÎP) a Hatayê Bariş Atay de jî fezlekeyek û der barê parlamenterê AKP’ê yê Kastamonu Hulusî Şenturk de jî fezlekeyek hat amadekirin. ENQERE
