Rêxistina Talîban li bajarên Xezne û Zabil ê Afganistanê êrîşî polîsan kir. Di encama êrîşê de 13 polîs hatin kuştin û 6 jî birîndar bûn
Êrîşên rêxistina Talîban ên li dijî hêzên dewleta Afganistanê berdewam in. Di vê çarçoveyê de hêzên Talîban êrîşî bendên kontrolê yên polîsan kir.
Hat zanîn ku hêzên rêxistina Talîban li dijî 2 bendên kontrolê yên li rojhilatê Afanistanê Xezneyê êrîşên bombeyî pêk anîn. Li gorî nûçeya AFP’ê ku agahiyan dispêre rayedarên deweleta Afganistanê, di encama êrîşê de 13 polîsan jiyana xwe ji dest dan.
Di heman demê de ajansa Sîratê jî ragihand ku hêzên Talîban di serî de li dijî du bendên kontrolê yên polîsan êrîş pêk anîne û piştî êrîşê jî li ber hêzên bi hawarê ve çûn, kêmîn danî ye. Li gorî ajansê, di êrîşê de rêveberê polîsên herêmî hatiye kuştin.Di heman êrîşê de 6 kes jî birîndar bûn.
