Bakûrê Kurdistanî û Tirkîya de bi temamî 57 mîlyon û 58 hezarî û 636 weçînitoxî seba îdareyanê xo yê cayîyan bewlî bikerê do şirê sindoqan. Bajaranê Kurdistanî de raydayîşî saet 07.00 de dest pêkerd
Seba weçînitişê cayî yê 31ê Adare nizdîyê 57 milyon û 58 hezarî û 636 weçînitoxî şinê sindoqan. Raydayîşî bajaranê Kurdistanî de saet 07.00 de dest pêkerd û saet 16.00 de do biqedîyo. Bajaranê Tirkîya de raydayîş do 08.00 de dest pê bikero û 17.00 de biqedîyo.
Heta ke saeta raydayîşî goreyê wexto ke ameyo bewlîkerdene nêbo temame do rayî nêrê hûmaritene. Qedexe yo ke weçînitoxî bi telefon, fotograf, kamera ûsn. şirê cayê raydayîşî. Serê sindoqe de çew nêeşkeno mudaxeleyê weçînitişî bikero, nêeşkeno pêşnîyarêk bikero. Dimayo ke weçînitoxan rayê xo dayî do cayê sindoqe ra dûrî bikewê.
Heta saet 18.00 çapemenî nêeşkena derheqê weçînitiş û netîceyanê ci de texmîn û şîroveyan bikero.
