Parlamentera HDPyî Dersîm Daga ke seba wedaritişê tecrîdê serê Ocalanî û azadîya ci grevê vêşanîye de ya raye şuxulnaye
Parlamentera Partîya Demokratîke ya Şaran (HDP) Dersîm Daga ke bi waştişê tecrîdê serê Rayberê Şarê Kurdî Abdullah Ocalanî 3ê Adare ra nata banê bajarî yê Amedî de grevê vêşanîye yê bêdem-bêagêrayîşî de ya sindoqa bi hûmara 1227 ya ke Dibistana Mevlana ya qezaya Kayapinarî de amîbî ronayene raya xo şuxulnaye.
Daga ke grevê vêşanîye de ya pîya bi namzeda hemserekîya Şaredarîya Girdî ya Bajarê Amedî Hulya Alokmen Uyanike, namzedanê hemserekîya Kayapinarî Kezban Yilmaze, Necatî Pîrînççîoglu û partîyîyan dir amî.
Daga HDPyîye bi vatişê ‘Ez wazena ke bibo wesîlEya aşitî û biratî’ raya xo şuxulnaye. AMED
