Partiya Yekitiya Demokratîk (PYD) a Helebê di 72’yemîn salvegera şehadeta Qazî Mihemed û hevalên wî de daxuyaniyek da. Di daxuyaniyê de hat gotin Qazî Mihemed û hevalên wî dê her tim di hafizeya gelê kurd zindî bimînin
Bi boneya salvgera 72’yemîn salvegera şehadeta Serokê Komara Kurdistanê Qazî Mihemed û hevrêyên wî, endamên Partiya Yekitiya Demokratîk (PYD) ên Helebê li pêş navenda xwe ya li taxa Şêxmeqsûd daxuyaniyek da.
Daxuyanî ji aliyê endama Meclisa Giştî ya Jinan a PYD’ê Rewşen Mûsa ve hate xwendin. Rewşen di serî de Qazî Mihemed û hemû şehîdên Komara Kurdistanê bi bîr anî. Rewşen bal kişand ser helwesta navneteweyî û herêmî ya ku rê li ber hilweşandina Komarê Kurdistanê û bidarvekirina Qazî Mihemed û hevalên wî kiriye.
Daxuyanî wiha bi dawî bû: “Di salvegera şehadeta Qazî Mihemed û hevalên wî de em teqez dikin ku dê bîranîna wan her tim li gel gelê kurd zindî be. Şehîd Qazî Mihemed çû lê fikra azad û heqiqetê di bîranîna gelê kurd de zindî ma.”
Daxuyanî bi dirûşmên dilsoziya ji bo şehîdan bi dawî bû. HELEB
