Navenda Giştî ya HDP’ê daxuyaniyek weşand û ji hemû peywirdarên sindoqan û welatiyan xwest ku bi manîpulasyona AA’yê bawer nekin û sindoqan neterikînin
Dengdayîna hilbijartina rêveberiyên herêmî ya li bakurê Kurdistanê û Tirkiyeyê bi dawî bû. Bi bidawîbûna dengdayînê re jî hejmartina dengan dest pê kir. Li gelemperiya bajaran tevî ku hejmareke pir kêm a dengan hatiye jimartin jî, ajansa fermî ya dewletê Ajansa Anadoluyê (AA) weke ku li gelek deveran encam diyar bibe, agahiyan parve dike. Têkildarî mijarê Navenda Giştî ya Partiya Demokratîk a Gelan bangewaziyeke girîng kir.
Di bangewaziyê de HDP’ê diyar kir ku AA li ser encamên hilbijartinê manîpulasyonan dike û divê tu kes jê bawer neke. HDP’ê bang li hemû peywirdarên li ser sindoqan û welatiyan kir ku bi tu awayî sindoqan neterikînin.
