Serokê YSK’ê Sadî Guven der barê encamên hilbijartinê yên nefermî de daxuyanî da. Guven anî ziman ku cihê îtîraz der barê encama hilbijartinê de tune be dê mazbata bidin
Serokê Lijneya Hilbijartina Bilind (YSK) Sadî Guven li pêş avahiya YSK’ê pirsê rojnamegeran bersivand. Guven diyar kir ku hilbijartin bi dawî bûye û encamên nefermî yên hilbijartinê bi partiyên siyasî re parve kirine.
Guven anî ziman ku ji duh ve pêvajoya îtîrazê dest pê kiriye û ev pêvajoya îtîrazê didome û wiha got: “Îro heta 15.00’an dikarin îtîraz bikin. Divê Lijneyên Hilbijartinê yên navçeyan heta 2 rojan biryar bidin. Lijneya Hilbijartinê ya bajaran divê di nava rojekê de biryar bidin. Yên îtîraz kirine divê di nava 2 rojan de bersîv bê dayîn. Di nava 3 rojan de bixwazin dê bên serî li me bidin. Cihê ku îtîraz tune bin jî em ê mazbatayên wan bidin wan.” ENQERE
