Heyek ji malbatên girtiyên ku li dijî tecrîdê di greva birçîbûnê de ne, ji bo daxwaza girtiyan ragihînin Wezareta Dadê çûn Enqereyê. Li heyet di ketina Enqereyê de hatin rawestandin. Dayikên ku di nav heyetê de cih digirin, diyar kirin ku ew heta bi wezaretê re hevdîtin bikin dê li vir li ber xwe bidin
Heyetek ji malbatên girtiyên ku li dijî tecrîdkirina Rêberê Gelê Kurd Abdullah Ocalan di greva birçîbûnê de ne, ji bo daxwaza girtiyan ragihînin Wezareta Dadê çûn Enqereyê. Lê heyeta ku nav de Dayikên Aştiyê jî hene di têketina Enqereyê de ji aliyê polîsan ve hatin rawestandin. Heyeta ji 100 kesî pêk tên bi saetan in tên rawestandin. Polîs li navçeya Golbaşi ya Enqereyê bêyî ku tu hincetan nîşan bidin bi saetan e malbatan radiwestînin. Endamên heyetê bi biryar in ku heta bi Wezareta Dadê û partiyên siyasî re hevdîtin bikin li ber xwe bidin.
Endama heyetê Afife Kartal, bertek nîşanî astengî û rawestandina polîsan da û wiha got: “Polîsan got ‘bila komek temsilî biçin û yên din paşve vegerin’ Li vir hemû temsîlî hatine. Tu dayik naxwaze vegere Amedê. Polîs dibêjin ‘Em tu dayikan naxin Enqereyê’ û li erebeyên xwe suwar bibin û vegerin’. Heta ku destûr bidin hemû dayikan em ê li vir çalakiyê pêk bînin. Em ê li vir heta dawî li ber xwe bidin. Em tu carî zarokên xwe li zindanan bi tenê nahêlin. Em dayik in. Em destûr nadin ku zarokên me li zindanan jiyana xwe ji dest bidin. Heta ku hevdîtinên me encam bistîne em ê li vir bin. Em dê mizgîniyê bidin zarokên xwe yên li zindanan.” ENQERE
