Hemşaredarê Bajarê Girdî yê Amedî Hulya Alokmen Ûyanike û Selçûk Mizrakliyî mesajêk sipasîye weşanayî û vatî: “Ma nê serkewtişî şarê Amedî Gultan Kişanake, Firat Anli û hemşaredarê ke heqê înan ê weçînayîşî ameyo xespkerdene rê kenê dîyarî.”
Namzedê Partîya Demokratîke ya Şaran (HDP) Adnan Selçûk Mizrakli û Hulya Alokmen Ûyanike ê ke weçînayîşê cîyayîyan ê 31ê Adare de ser kewtê şarê Amedî rê sipas kerd.
Hemşaredaran dayî zanayene ke vera asteng, zext û destbendkerdişan şarê Amedî bi têkoşînêkê demokratîkî şaredarîye newe ra apey girewte û vatî: “Ma nê serkewtişî şarê Amedî Gultan Kişanake, Firat Anli û hemşaredar û endamê meclîsê şaredarîye yê ke heqê înan ê weçînayîşî ameyê xespkerdene rê kenê dîyarî. No serkewtiş serkewtişê Amedî yo. Serkewtişê ma hemeyan o. Ma şarê xo rê sipas kenê seba ke no paştdayîş dayo ma. AMED
