Parlamenterên HDP’ê Semra Guzel û Tulay Hatîmogullari ji bo piştgiriyê çûn serdana Leyla Guven ku ev 146 roj in li dijî tecrîdê di greva birçîbûnê de ye
Çalakiya greva birçîbûnê ya bêdem û bêdorveger ku hevseroka KCD’ê Leyla Guven li dijî tecrîda li ser Rêberê Gelê Kurd Abdullah Ocalan daye destpêkirin, di roja 146’emîn de didome. Ziyaretên ji bo Guven jî her roj didomin.
Di çarçoveya van serlêdanan de parlamentera HDP’ê ya Amedê Semra Guzel û parlamentera HDP’ê ya Edeneyê Tulay Hatîmogullari ji bo piştgiriyê çûn serdana Guven.
Piştî serlêdanê parlamenter Hatîmogullari li ser hesaba xwe ya medyaya civakî ev tişt parve kir: “Taqeta bedena Leyla Guven ku li dijî zilmê li ber xwe dide her ku dikeve bi vîna xwe ya ku her bi hêz dibe li ber xwe dide. Hadî divê beriya ku dereng bibe ji Leylayan re bibin deng. Leyla silav û hezkirina xwe ji her kesî re ragihand.” AMED
