Denîz Kayayî derheqê çalakîyanê fedaîyan ê zîndanan de eşkerayî daye û va: “Ma rast nêvînenê ke çalakîyê wina fedaîyî bêrê kerdene, ma vanê ganî çarçewaya pêroyîye ya organîzasyonî de tê bigêrê.”
Denîz Kayayî derheqê grevanê vêşanîye de ke 1ê Adare ra heme zîndanan de dewam kenê serê nameyê PKK û PAJKî de eşkerayî daye û va: “Çalakîya fedaî bi şehîdê ma yê vernî yê hemleya ma hemra Zulkuf Gezenî dest pêkerde û nê çalakîyanê fedaîyan bi Aytene, Medya, Zehra û Ûgûrî dewam kerd. Çalakîya fedaî ya Yonca Akici û ewro zî ya Sîraç Yukselî ma têşanayî û mesuldarîyêka girane daye doşanê ma ser. Xeta xoverdayîşî ya ke ma tede yê, serê şopa xeta xoverdayîşê 14ê Temmuze de dewam kena, halêkê winayênî de ma rast nêvînenê ke çalakîyê fedaîyî bêrê viraştene, ma vanê ganî ma çarçewaya pêroyîye ya organîzasyonî de tê bigêrê.”
Eşkerayîye de ame vatene ke heta waştişê înan nêrê bicaardene do xoverdayîşî bidomnê û ame vatene grevê vêşanîye yo ke bi hemleya “ma tecrîdî bişiknê, faşîzmî birijnê û Kurdistanî azad bikerê” bi qerardarîyêka pîle dewam kena û bê ke ê gamêk pey de bierzê, înan xo serfirazîye rê besto pa û ganî no hetê her kesî ra wina bêro zanayene.
‘Ma Artêşêka Ganî Ya Pîle Ya Fedaîye Ya Rayberîya Xo Yê’
Dewamê eşkerayîye de ame vatene grevê vêşanîye yê bêdem û bêagêrayîşî yê tepişteyanê PKK û PAJKî yo ke Vakurê Kurdistanî û Tirkîya de kewto roja xo ya 109ine bi qerardarîye dewam keno, hetê her kesî ra ameyo diyene ke ê artêşa Rayberê Şarê Kurdî Abdullah Ocalanî ya ganî ya fedaîye ya pîle yê. Dewam de no vajîya, “Çalakîya yewine ya fedaîye hetê hemra Zulkuf Gezenî ra amî destpêkerdene û nê çalakîyanê fedaîyan bi Aytene, Medya, Zehra û Ûgûrî dewam kerd. Çalakîya fedaî ya Yonca Akici û ewro zî ya Sîraç Yukselî ma têşanayî û mesuldarîyêka girane daya doşanê ma ser.”
‘Ganî Ma Vernîya Çalakîyanê Şexsîyan Bigêrê’
Dewamê eşkerayîya ke serê nameyê tepişteyanê PKK û PAJKî de amî dayene de nê vajîyayî, “Xeta xoverdayîşî ya ke ma tede yê, serê şopa xeta xoverdayîşê 14ê Temmuze de dewam kena, halêkê winayênî de ma rast nêvînenê ke çalakîyê fedaîyî bêrê viraştene, ma vanê ganî ma çarçewaya pêroyîye ya organîzasyonî de tê bigêrê. Serkêşê çalakîya rojeyê mergî ya pîle hemra Kemal, Xeyrî, Akîf û Alî Çîçek gama ke xoverdayîşê xo bi organîzebîyayîşêkê pîlî domnayêne bi tu hawayî nêkewtî mîyanê nizdbîyayîşanê şexsîyan û înan reyêk de xoverdayîşî bi serfirazîye tacîdar kerda, tarîx zî şahide nê yo.
Na yewe ra zî bi ruhê hemleya ke ma tede yê, nê halî de ke ma xoverdayîşê xo kenê xurt ma verê enerjîya xo nêdê xo bidê dişmenê xo û bêguman nas ey rastîyêk vernîya ma de ya. Heme hemrayanê xo yê zîndanan ra ma mesuldar ê, bi hawayêkê qetîyî ganî ma vernîya çalakîyanê şexsîyan û nizdbîyayîşanê şexsîyan bigêrê. Ganî na babete de ma bi hişmendîya ke mesuldarîya organîzasyonî daya ma ser tê bigêrê. Ma hemrayanê înan ê mucadeleyî, şehîdanê xo yê ewilênan ê na hemleye hemrayanê xo Zulkuf, Aytene, Ûgûr, Zehra, Medya, Yonca Akici û Sîraç Yukselî bi hurmetêkê pîlî bi vîr anê û hemeyê şarê Kurdî rê serweşîye wazenê.
Ma sond wanenê ke ma do goreyê pêgirewtişê vîrardişê şehîdanê ma, ma do serkewtişê hemleya xo bi cidîyet û bi qerardarîye bica bîyarê û bi hawayêkê qetîyî bi ser bikewê.”
Denîz Kayayî tewr peynî de veng da nûştox, akademisyen, roşinvîr û waştoxanê demokrasîyî ke hemverê polîtîkayanê qirkerdoxan û antî-demokratîkan ê îqtîdarê faşîstî yê AKP-MHPyî de xo ver bide û dorê xoverdayîşê zîndanan de bêrê têhet û tecrîdî bişiknê. AMED
