Hêzanê dewleta tirkî qezayanê Bêrecûk û Xelfetî ye Riha de eştî keyeyan ser û îdarekarê HDPyî zî tede 22 kesî tepiştî
Qezayanê Bêrecûk û Xelfetî ye Riha de îdarekarê HDP’yî zî tede 22 kesî ameyî tepiştene. Xelfetî de cendermeyan eşt keyeyan ser û 13 kesî destbend kerdî. Cendermeyan kesê ke ameyî tepiştene berdî Qereqolê Cendermeyan ê Gokluyî.
Nameyê kesanê ke ameyî tepiştene wina yê: Bekir Ozturk, Nurettîn Karataş, Samî Bozkurt, Kazim Balaban, Azad Polat, Seydan Bayram, Haci Yalçinkaya, Osman Yalçinkaya, Hasarî Baysoz, Hakki Keskîn, Huseyîn Mavîgok, Kadîr Çolak û Abdullah Uzun.
Merkez û dewanê Bêrecûkî de, cendermeyan û polîsan operasyono hemwext da destpêkerdene û bi nê operasyonî eşt xeylî keyeyan ser. Hemsereka HDPyî ya Bêrecûkî Dîlan Taşe, hemserekê HDP’yî yo kan Îbrahîm Yeşîltepe, Halîl Genç, Halîl Sarikaya, Abdulcelîl Arici, Şevket Çetînkaya, Mustafa Karadag, Mîkaîl Kiliç û Bulent Karayilan ameyî tepiştene.
Hetê bînî ra qezaya Riha Sêwrege de, 29ê Adare de zî operasyon amebi kerdene û no operasyon de Levent Korkmaz, Îlyas Korkmaz, Ayşe Gulere, Tevbun Mîmkara, Mîhrîban Mîmkara, Xebat Mîmkara, Çerko Mîmkara, Cemîl Bezer û Halîl o ke peynameyê ci nêameyo beyankerdene amebî destbendkerdene û seba nê kesan wextê destbendkerdişî 4 rojî ame dergkerdene. Qaso ke xebere ameya girewtene, nê kesî Mudirîya Ewlehîye de rastê muameleye xirabî ameyî. RIHA
