Newaya Jin 4ê Nîsana 2005î de bi siloganê ‘Cuya şima de ripelêko newe’ dest bi weşanî kerde û ewro 15 serrî yê weşanê xo pîroz kena. Rojname roja dest pêkerdişê xo ra nata hetê weşangerîya cinî de bîye sebebê averşîyayîşê muhîman
Rojnameyê Newaya Jin ewropa de aşmane yeno weşênayîş û 15 serrî yo ke weşan keno. Newaya Jin 4ê Nîsana 2005î de bi siloganê ‘Cuya şima de ripelêko newe’ dest bi weşanî kerde û ewro 15 serrî yê weşanê xo pîroz kena. Rojname roja dest pêkerdişê xo ra nata hetê weşangerîya cinî de bîye sebebê averşîyayîşê muhîman. Rojname seba bale antişê babeta şîdetê serê cinîyan reya yewin bi manşetê ‘Ma do rayîr nêdî qirkerdişan’ vejîya. Newaya Jin bi nê vatişan hedefê xo yê weşangerî dîyar kerde.
Sewbîna hûmara 169. ya Newaya Jin bi manşetê ‘Ê ke morê xo dayî şorişî ro’ zî vejîyaye. Hûmara newe ya Newaya Jin bi manşetê ‘Ê ke morê xo dayî şorişî ro’ vejîya. Rojnameyê Newaya Jin rojdemanê sey 8ê Adare, Newroza 2019î, grevê vêşanîye û 4ê Nîsane ser vindeto. Reyna nuşteyê analîzî yê kulturîyî, alozîya sosyolojîke ya ke DAIŞ bîyo sebebê ci û Başûr û akademîyanê komelîyan ser nuşteyî ca gênê.
Rojname bi ziwanê kurdî û tirkî weşan keno û 15 serran de 169 hûmaran vet. Bi hezaran aboneyê Newaya Jin estî û kesê ke biwazî eşkenî înternet ser o rojname taqîp bikerî. Newaya Jin her keye de tesîrê xo daya cuya cinîyan ser. Heyetê Weşanî yê rojname bale ant xeta weşanî ya rojnameyî ser.
Heyet dîyar kerd ke rojname lazimîyanê cinîyanê ke no 30 serrî yo ke ewropa de seba heqanê xo têkoşîn danî û heme cinîyan vejîya. Rojname hemverê medyaya havuzî de bî alternatîf û xeberanê derheqê cinîyan de weşêneno. Rojname de ripel û katagorîyê kultur-huner, rojane, spor, ekolojî, ciwan, û domanî estî. Nê ripelan de babetê muhîm yenî nuştene.
