Parêzerên Ocalan bi daxwaza hevdîtina bi muwekîlê xwe re, serî li Serdozgeriya Komarê ya Bursayê dan
Tecrîda girankirî ya li ser Rêberê Gelê Kurd Abdullah Ocalan berdewam e. Ocalan ku ev 20 salin li Girtîgeha Tîpa F ya Ewlehiya Bilind a Îmraliyê di hucreyê de tê girtin, mafên wî yên hiqûqî tên binpêkirin.
Ji bo hevdîtina bi muwekîlê xwe re, parêzerên Ocalan, Raziye Turgut, Serbay Koklu, Îbrahîm Bîlmez û Mazlum Dînç cara 804’an serî li Serdozgeriya Komarê ya Bursayê dan.
Hêjayî bibîrxistinê ye ku parêzerên Ocalan ji 27’ê tîrmeha sala 2011’an heta niha 803 caran serî li Serdozgeriya Komarê ya Bursayê dan e. Lê daxwaza hevdîtinê ya parêzeran her hefte bi hincetên sosret ên weke ‘Muxalefeta hewayê heye’ , ‘Keştî xerabe ye’ û ‘OHAL’ heye hat redkirin. STENBOL
