Li Îran û Rojhilatê Kurdistanê lehî rabû û bi dehan kesan jiyana xwe ji dest dan. Hêjmara kesên jiyana xwe ji dest dane zêde dibin. Xelkê Xuzistan û Loristanê xwepêşandan li dar xist. Hêzên Îranê êrîşî welatiyan kir û 4 welatiyan jiyana xwe ji dest dan
Di hefteyek dawî de li herêma Xuzistan û Loristanê lehî rabû û bi dehan kesan jiyana xwe ji dest dan. Li gorî daneyên fermî hejmara yên Îranê kesên di lêhiyê de jiyana xwe ji dest dan 70 kes in. Hikûmeta Îranê bi hewara xelkê herêmê naçe. Li ser vê yekê çalakiyek nerazîbûnê hate lidarxistin. Lê hêzên Îranê êrîşê çalakvanan kirin û 4 welatî kuştin. Gelek kesên din jî birîndar kirin.
Xelkê Xuzistan û Loristanê li hemberî bêxemiya hikûmeta Îranê çalakiyek lidarxistin. Li gorî ragihandinên muxalefeta Îranê, hêzên Îranê êrîşê çalakvanan kirine û di encam de 4 kes bi guleya hêzên Îranê jiyana xwe ji dest dane. Tê gotin ku gelek kes jî birîndar bûne. Li gorî agahiyan duh bi şev yek ji birîndarê xelkê Azadegan ya parêzgeha Xuzistanê Ebud Celizi jiyana xwe ji dest daye. Celizî bavê 6 zarokan bû û li nexweşxaneyê jiyana xwe ji dest da. Li gorî agahiyan birîndarek din yê xelkê heman navçeyê ku navê wî nehat zanîn jî jiyana xwe ji dest daye. Li şûna ku hikumet alîkariya xelkê Îran û Rojhilatê Kurdistanê bike, êrîşî gel kir.
Gel ji ber bêxemiya hikumetê neraziye. Ji ber vê yekê xelkê herêmê li dijî hikumetê dengê xwe bilind dike. Li gorî agahiyan li gelek cihan xelk çalakiyên nerazîbûnê lidardixin û gelek hêzên Îranê ji bo bêdeng kirina dengê xelkê çûne herêmê. AMED
