Di danişîna doza darizandina 17 zarokên ku di serdema qedexeya kolanan de ji navçeya Nisêbînê hatibûn derxistin û girtin a hat dîtin de, dadgehê biryara ji hev cihêkirina dosyeyan dan
8’emîn danişîna doza darizandina 17 zarokên bi 53 kesan re li navçeya Nisêbîna Mêrdînê di serdema “qedexeya derketina kolana” a di 26’ê gulana 2016’an de ji navçeyê hatibûn tehliyekirin û girtin hat dîtin. Danişîn li 4’emîn Dadgeha Cezayê Giran a Mêrdînê hat dîtin. Zarokên girtî ji ber grevên birçîbûnê yên li dijî tecrîdkirina Rêberê Gelê Kurd Abdullah Ocalan berdewam dikin, beşdarî danişînê nebûn. Tenê parêzesrên zarokan beşdarî danişînê bûn. Parêzeran diyar kirin ku ewê piştî mutaleya dozger, parastinê bikin.
Dadgehê jî bi îdîaya “Pêwîst nake ku darizandina bi hevre çêbe û ev yek tu feydeyê nade darizandinê” dosyeyên zarokan ji hev cuda kirin.
Heyeta dadgehê piştî biryara cihêkirina dosyeyan, biryara dewamkirina girtina zarokan da. MÊRDÎN
