Ji ber metirsiya lehiya ku çend roj in ji ber barîna barana zêde ya li Îran û rojhilatê Kurdistanê radibe, fermana valakirina 9 bajarên parêzgeha Xuzistanê ya li başûrê rojavayê Îranê hat dayîn
Li Îranê û rojhilatê Kurdistanê ev çend roj in baran dibare û ji ber lehiya radibe, heta niha gelek ziyan çêbûye. Ji ber metirsiya lehiya ku çend roj e radibe, fermana valakirina 9 bajarên parêzgeha Xuzistanê ya li başûr rojavayê Îranê hate dayîn. Daxwaz ji şêniyên 9 bajaran hate kirin ku demildest derkevin.
Bajarên Xuzistanê yên fermana valakirina wan hatiye dayîn ev in: 4 bajarên li deşta Azadgan, Susengird, Bustan, Ebuhemîze û Kut, bajarê Refîh ê li herêma Hewîze, bajarên Hemîdiye, Gurye, Darxwîn û Ilhayî ne.
Li gorî pêşbiniyên Hewanasiya Îranê dê îro pêlek din a baranê destpê bike. Ji derveyî bajarên rojhilatê Kurdistanê herêma bakur û navenda Îranê jî digire dê heta sibe berdewam bike.
Niha herî zêde metirsî li ser parêzgeha Xuzistan a dikeve başûrê rojavayê Îranê heye. Bi taybet cihên ku nêzî rûbarên Diz û Karwin. Her wiha metirsiya lehiyê hîn li ser hinek herêmên Parêzgeha Loristanê ya li rojhilatê Kurdistanê maye û hinek gund di dorpêşa lehiyê de ne.
Heta niha ji ber barîna baran zêde 23 parêzgehên Îranê û Rojhilatê zirar dîtine û li gorî navendên fermî yên Îranê jî 71 kesan jiyan xwe ji dest dane. Lê li gorî daneyên ne fermî herî kêm 200 kesan ji ber lehiyê jiyana xwe ji dest dane û gelek kes jî birîndar bûne.
