Tevgera Êlekzeran amedekariyan dikin ku îro li paytexta Fransa Parîsê û hindek bajarên din ên welat xwepêşandanan li dar bixin
Malpera fermî ya radyoya Fransayê ya navdewletî RFI destnîşan kir ku tê payîn xwepêşandanên tevgera 21’emîn ên li dijî hikumetê ji aliyê Êlekzeran ve were lidarxistin.
Di dawiya hefteya derbasbûyî de 33 hezar û 700 kes beşdarî xwepêşandan bûn. Ji wan 4 hezar li Parîsê bûn lê xwepêşandêran gotin ku hejmar bi 3 caran zêdetir bû.
Li gorî malpera radyoyê xwepêşandêr dê li hemû bajaran li nuqteyên cuda kom bibin. Yek ji wan dê ji Meydana Komarê li bakurê rojava li ber bi taxa Ladifins, yek jî ji aliyê başûrê bajêr, yek jî li îstasyona Montbaranas ber bi bakurê Parîsê ve dest pê bikin. Bajarok û bajarên din ku xwepêşandan lê hatin ragihandin ev in: Rouen, Lyon, Dijon, Nice, Nantes, Montpellier, Bordeaux û Toulouse.
Ji aliyekî din ve jî di hefteya pêş de serokwezîrê Fransayê Edouard Philippe dê nîqaşa mezin bi dawî bike û dê li ser her du meclisên parlementoyê (Komeleya Wetenî ya Meclisa Parlamenter û Kongre) pêşkêş bike. Tê payîn ku serokê Fransayê Emmanuel Macron têkildarî nîqaşan di nîvê meha nîsanê de daxuyaniyekê bide. PARÎS
