HRE’yê bi daxuyaniyekê ragihand ku hêzên wan di 6’ê nîsanê de li Şêrawa ya Efrînê li dijî komên çete du çalakî pêk anîne. HRE’yê ragihand ku di çalakiyan de 4 çete hatine kuştin û 7 çete jî birîndar bûne
Şervanên Hêzên Rizgariya Efrînê (HRE) li dijî hêzên artêşa tirk a dagirker û komên çete yên girêdayî wê yên li Efrînê çalakî pêk anîn. Têkildarî mijarê HRE’yê daxuyaniyeke nivîskî weşand.
Di daxuyaniyê de HRE’yê da zanîn ku hêzên wan çalakiyên xwe yên li hemberî hêzên artêşa tirk û çeteyên girêdayî wê didomînin. HRE’yê ragihand ku hêzên wan di 6’ê nîsanê de li dijî komên çete yên li Şêrawa ya Efrînê du çalakiyên cuda pêk anîne.
HRE’yê di berdewamiya daxuyaniyê de kitekitên çalakiyê parve kirin û ev agahî dan: “Di 6’ê nîsanê de şervanên me yek ji wesayîtên kar ên dewleta tirk a dagirker dema ku malên sivîlan û dibistana gundê Cilbir ê Şêrawayê dirûxandin, hedef girt. Di encama çalakiyê de wesayîta ku hedef hatiye girtin hate rûxandin û çeteyek jî hate kuştin. Di heman rojê de hêzên me li dijî baregeha koma çete ya bi navê Sultan Murad a li gundê Cilbirê jî çalakî pêk anî. Di vê çalakiyê de jî 3 çete hatin kuştin û 7 çete jî birîndar bûn.” EFRÎN
