Li Amedê 11 jinên ku ji bo piştgirîdayîna çalakiya Leyla Guven û şermezarkirina tecrîdê di 20’ê adarê de çalakiya sekinandinê pêk anîbûn û hatibûn binçavkirin. Ji bo 11 wan jinên ku hatibûn binçavkirin cezaya kelepçeya elektronîk hat birîn. Jinan diyar kirin ku ew ji bo vê biryarê îtîraz bikin
Di 20’ê adarê de li Kuçeya Hunera Yenîşehîrê ya Amedê 14 jin ji bo piştigiriya çalakiya greva birçîbûnê ya Leyla Guven û li dijî tecrîda li ser Rêberê Gelê Kurd Abdullah Ocalan çalakiya sekinandinê pêk anîbûn û di encama çalakiyê de 14 jin hatibûn binçavkirin. Li 11 jinan cezayê hepsa malê û kelepçeya elektronîk hatibû birîn.
Hevseroka DBP’ê ya Amedê Rewşen Karademîr, hevseroka HDP’ê ya navçeyê Demet Ozkaran, hevseroka Sûrê Sevîm Coşkun, endama Meclisa Partiya HDP’ê Nevriye Çur, aktivîstên TJA’yê Safiye Akdag, Remziye Sizici, Ronda Bat, Halîme Akyol, Leyla Înal, Ayten Aytin û Ayfer Bakir bi daxwaza kontrola edlî sewqî dadageha nobedar hatibûn kirin.
Derbarê cezaya kelepçeya elekronîk de jinan anîn ziman ku wan ji bo vê biryarê îtîraz kirine û wiha gotin: “Ew bi van pêkanînan dixwazin me dûr bixin û bê hêz bihêlin. Her wiha ew bi vê yekê mafê hilbijartinê û siyasetê jî binpê dikin.” AMED
