Hevşaredarên HDP’î yên Bajarê Mezin û 4 navçeyên navendî yên Amedê ji bo mazbata bigirin dê îro serî li Lijneya Hilbijartinê ya Amedê bidin. Beriya serlêdanê polîsan avahiya HDP’ê ya Amedê dorpêç kir
Hilbijartinên 31’ê adarê qediyan û lîstikên AKP’ê dewam dikin. 8 roj derbas bûn hê jî mazbatayên gelek hevşaredarên bajar û navçeyan ên HDP’î nehatine dayîn.
Hevşaredarên HDP’î yên Şaredariya Bajarê Mezin ên Amedê Selçuk Mizrakli û Hulya Alokmen Uyanik, hevşaredarên Yenişehirê Belgîn Diken û Îbrahim Çîçek, yên Peyasê Necati Pîrînççîoglu û Keziban Yilmaz, yên Rezan Zeyyat Ceylan û Zubeyde Zumrut, yên Sûrê Fîlîz Buluttekin û Cemal Ozdemir, li gel endamên meclîsê ji bo mazbata xwe bigirin dê îro serî li Lijneya Hilbijartinê ya Bajar bidin.
Beriya Hevşaredarên HDP’î biçin mazbata xwe bistînin, polîsan avahiya HDP’ê ya Amedê ku ji 20’ê Mijdara 2018’an ve dorpêç kiriye, nobetê digirin, dîsa bi sedan polîs li gem 6 TOMA û maşîneyên zirxî li ber avahiya HDP’ê kom bûn û avahî dorpêç kirin. Rêya li pêş avahiyê li trafîkê girtin. Li aliyê din polîsan avahiya Lijneya Hilbijartinê ya Bajar ku li navçeya Peyasê ye jî dorpêç kir. AMED
