Îro li Reqayê teqîn pêk hat û di teqînê de 9 sivîlan jiyana xwe ji dest dan. Hat zanîn ku cenazeyên 9 şehîdan û 9 birîndar gihiştin nexweşxaneyên Tib El-Hedîs û Firatê yên Reqayê
Îro saetên piştî nîvro li kolana Basil a bajarê Reqayê mayînek û paşê wesayîtek Sûzûkî rengê sor hatibû mayînkirin hat teqandin. Di teqînê de 9 sivîl ku di nav de zarok jî heye jiyana xwe ji dest dan û 9 sivîl jî birîndar bûn.
Rêveberên nexweşxaneyên Tib El-Hedîs û Firatê diyar kirin ku cenazeyê 9 şehîd û 9 birîndar gihiştin nexweşxaneyan, di nav birîndaran de rewşên giran hene.
Li gorî agahiyên ji nexweşxaneya Firatê, ji sivîlên şehîd bûne “Îsmaîl Delî (12), Mihemed Ebdulrehman Mustefa (10), Esed Elî (40), Necah El-Hesen û jin û zilamekî nasnameyên wan nehatin naskirin.
Ji birîndaran nasnameyên 3 kesan hatin naskirin “Cemla Feysel, Meha Mihêmîd” di odeya çavdêriya awarte de ne û Ehmed Ebdulrehman Mustefa di odeya emeliyetê de ye.
Her wiha li nexweşxaneya Tib El-Hedîs cenazeyê 3 şehîdan û 9 birîndar hene. Ji şehîdan Wetha El-Yûsif (10) salî hat naskirin, birîndar jî ev in “Emar Hesen El-Elo (25), Îsmaîl Cebel (10), Mihemed El-Mehmûd El-Yûif (17), Ebdullah Mihemed (6), Mihemed El-Hemûd (50) û Ebdulmecîd (70).
Her wiha ji birîndarên li nexweşxaneya Tib El-Hedîs jî hîna nehatin naskirin. REQA
