Di hilbijartina Îsraîlê de li gorî encamên destpêkê, serokwezîrê niha Benjamîn Netanyahû bi ser ketiye
Li Îsraîlê encama hilbijartinê diyar dibe. Li gorî çapemeniya Îsraîlê hejmartina dengan li ber qedandinê ye û encamên derketî nîşan didin ku Serokwezîr Benjamîn Netanyahû dikare dîsa hikumeteke nû ya koalîsyonê ava bike.
Her sê rikberên Netenyahû ku serfermandarên kevin in jî nikarîbûn Netanyahû têk bibin. Hilbijartin piranî di navbera eniya rastgir û rastgirên radîkal de derbas bû. Netenyahû beriya hilbijartinê bi rastgirên radîkal re tifaq çêkiribû. Di encamê de, Netanyahû, hejara xwe ya parlamentoyê zêdetir kir û partiya wî Likud, encama herî baş a 16 salên dawî bidest xist.
Li gorî encamên ku hê teqez nebûyî partiya Likud ji sedî 26 a rêjeya dengan girtiye û di parlamentoya xwedî 120 wekîlî de 35 wekîl derxistine. Partiya rastgiriya navendî ya, ‘Şîn û Spî’ ku nû hatiye damezrandin jî bû duyem. Partiya ku Benny Gantz û Yair Lapid ava kirî jî li gorî van encaman ji sedî 25 ê dengan bidest xistine. TEL AVÎV
