Ji ber barîna barana zêde li navçeya Kerboran a Mêrdînê lehî rabû. Di encama lehiyê de beşek ji Goristana Sefayê hilweşiya û li navçeyê ziyanên madî çêbûn
Li navçeya Kerboran a Mêrdînê di saetên serê sibehê de ji ber barîna barana zêde lehî rabû. Ji ber lehiyê gelek mal di bin avê de man. Hat zanîn ku ji ber lehiyê tu ziyanên canî çênebûne.
Ji ber lehiyê hinek deverên Goristana Sefayê ya Kerboranê hilweşiyan. Di heman demê de zeviyên welatiyan di bin avêde man û zirarên madî çêbûn. Hat ragihandin ku wesayîtek jî di bin avê de ma.
Komên Şaredariya Kerboran û MARSU’yê jî li gelek cihên Kerboranê dest bi xebatan kir.
Hêjayî bibîrxistinê ye ku îsal li her çar parçeyên Kurdistanê ji ber barîna zêde li gelek bajaran lehî rabûn. Ji ber karesata lehiyê ya li rojhilatê Kurdistanê li herêma Loristanê zêdetirî 80 welatiyên kurd jiyana xwe ji dest dan û zirarekî pir mezin ê madî pêk hat. Li rojavayê Kurdistanê jî bendav hatin ber asta teqînê û ji ber lehiyan gelek rê û pir hilweşiyan. MÊRDÎN
