Gerîlayanê HPG û YJA Starî Qilaban de da eskeranê ke vejîyayê operasyon ro. Çalakîye de eskerêk ame kiştene, 3 zî birîndar bîyî
Merkezê Çapemenî û Îrtîbatî yê HPGyî derheqê çalakîyanê gerîla û hêrişê artêşa Tirkî de eşkerayîyêka nuştekîye daye.
Eşkerayîye wina ya:
“9ê Nîsane saete 07:00î de artêşa Tirkî ya îşxalkare qezaya Qilabanî ya Şirnêxî de wareyanê Gelîyê Cinna, Girê Mêşî û Girê Rijde yê herêma Kela Memê de bi hetkarîya teyeranê bêmerdiman û helîkopterê hêrişî yê bi tîpê Kobrayî dest bi operasyonî kerd. Hêzanê ma eynî roje saete 13:00î de vera yewîyanê operayonî yê wareyê Girê Mêşî çalakîyêka sabotajî viraşte. Çalakîye de eskerêk dişmenî ame kiştene, 3 eskerî zî bî birîndar. Artêşa Tirkî ya îşxalkere eynî roje saete 18:00î de bi hawayêkê bênetîceyî herême ra apey ancîyaye. Netîceyê çalakîyan de vîndîbîyayeyê ma çin ê.
Xeregol de çalakîya Gerîlayan
Çarçewaya Hemleya Şorişgêrî ya Şehîd Bager û Şehîd Ronya de, hêzanê ma 8’ê Nîsane saete 16:30 de qezaya Çelê ya Colemêrgî de vera eskeranê Tirkî yê îşxalkere yê serê Girê Xeregolî çalakîyêk viraşte. Derbê giranî dayî mewzî û stargehan ro, labelê hûmara eskeranê merde û birîndaran nêameye tespîtkerdene. Artêşa Tirkî ya îşxalkere çalakîye ra dima bi obus û hawan der-dor bombardûman kerd.
Bombardûmananê bi teyaran ê şeran
Teyareyê şerî yê artêşa Tirkî ya îşxalkere Herêmê Pawitişî yê Medya bombardûman kerdî. Na çarçewa de:
10ê Nîsane saete 06:00î de wareyê Aris Farisî yê Avaşînî û wareyê Sîda yê herêma Zapî ameyî bombardûmankerdene.
9ê Nîsane saete 12:00î de wareyê Saca yê herêma Zapî û wareyê Çemrebotkî yê herêma Garê ameyî bombardûmankerdene.
8ê Nîsane saete 08:30î de wareyê Kunişka yê herêma Zapî, mabênê saetanê 06:00-09:00î de wareyê Lolanê yê herêma Xakurkê, saet 09:00î de wareyê Werxelê yê Avaşînî û mabênê saetanê 22:00-00:00î de zî wareyê Bergare yê herêma Garê ameyî bombardûmankerdene.
7ê Nîsane saete 17.30î de wareyê Kinyanişî yê herêma Zapî, saete 13:30î de zî der û dorê dewa Sarkê ya herêma Garê bombardûman kerdî.
6ê Nîsane saete 17.30î de newalê Şehîdan û Bedrana yê herêma Qendîlî ameyî bombardûmankerdene.
5ê Nîsane newalê Bedrana yê herêma Qendîlî ameyî bombardûmankerdene.
Netîceyê nê bombardûmanan de zerar nêresto hêzanê ma. Labelê rîyê hêrişî ra dewa Sarke ya herêma Garê bax û baxçeyanê dewijan zirar dî.” BEHDÎNAN
