Koordînasyona Kongreya Star bi boneya salvegera wefata dayika Ocalan Uveyş Ocalan daxuyaniyek da
Koordînasyona Kongreya Star bi boneya salvegera wefata dayika Rêberê Gelê Kurd Abdullah Ocalan Eveyş Ocalan daxuyaniyek da.
Di daxuyaniyê de hat diyarkirin ku dayika Uveyş mînaka jina bi hêz ê û tu carî li hemberî neheqiyê serî netewandiye û wiha hat gotin: “Bi navê Koordînasyona Kongra Star em salvegera wefata dayika Uveyş bi bîr tînin û di şexsê dayika Uveyş de ked û fedekariya dayikan pîroz dikin. Ji ber bi rastî dibistana herî mezin a ku pêşeng, şoreşger, mamoste û rewşen diafrîne. Ji ber vê dayik a herî giran buha ye û xwedî keda bê dawî û bê minet e, ji ber vê em dibînin ku dema Rêber Apo behsa jiyana xwe dike di serî de behsa rola dayika xwe dike û gelek caran di şexsê dayika xwe de hêz, hezkirin, êş û pêşengtîya jinan şîrove dike û her tim dibêje ger ne ji dayika min ba dibe ku ez nebûma rêber. Dayika Uveyş mînaka jina bi hêz e. Jina ku tu carî serê xwe li ber neheqiyê netewand û nehişt ku zarokên wê jî serî bitewînin. Ev taybetmendiya dayika xwedawend ku Rêber Apo behsê wê dike. Em bi dildarî careke din dayika pîroz yadê Uveyş bi bîr tînin.”
