Malbata Ocalan û girtiyên din ji bo hevdîtina bi xizmên xwe re, serî li Serdozgeriya Komarê ya Bûrsayê dan
Ji bo hevdîtina bi Rêberê Gelê Kurd Abdullah Ocalan re, birayê wî Mehmet Ocalan û wasiyê Ocalan, Ocalan Mazlum Dînç serî li Serdozgeriya Komarê ya Bursayê dan.
Di heman demê de birayê Hamîlî Yildirim, Polat Yildirim, birayê Omer Hayrî Konar, Alî Konar û xwişka Veysel Aktaş, Sabîha Aslan jî bi rêya parêzerên xwe ji bo hevdîtina bi xizmên xwe re serî li Serdozgeriya Komarê ya Bursayê dan.
Hêjayî bibîrxistinê ye ku Mehmet Ocalan piştî 11’ê îlona 2016’an cara ewil di 12’ê çileyê de çû Îmraliyê û hevdîtineke kin bi Ocalan re kir. Ji bo rakirina tecrîda li ser Ocalan, çalakiya greva birçîbûnê ya bi pêşengiya hevseroka KCD’ê û parlamentera HDP’ê ya Colemêrgê Leyla Guven hatiye destpêkirin û bi tevlêbûna zêdetirî 7 hezar çalakvanan didome jî bi israr berdewam dike. STENBOL
