Li Wanê ji bo piştevaniya çalakiyên greva birçîbûnê duh komek welatî ji bo 3 rojan dest bi greva birçîbûnê kiribûn û çalakiya wan di roja duyemîn de berdewam dike
Çalakiya greva birçîbûnê ya bi pêşengiya Hevseroka KCD’ê Leyla Guven hatiye destpêkirin û bi hezaran girtî ya li dijî tecrîdkirina Rêberê Gelê Kurd Abdullah Ocalan dewam dike. Ji bo piştevaniya çalakiyên greva birçîbûnê duh li Wanê greva birçîbûnê ya 3 rojan hatibû destpêkirin. Çalakiya li Wanê di roja duyemîn de didome. Çalakiya li avahiya HDP’ê ya Navçeya Rêya Armûşê duh bi 7 kesan dest pê kiribû êvarê 2 kesên din jî tev li bibûn û hejmar derket 9 kesan. Gelek kes diçin ziyareta çalakgeran. WAN
