Başûrê Kurdistanî de grevê vêşanîye yê ke seba wedartişê tecrîdê serê Rayberê Şarê Kurdî Abdullah Ocalanî ameyê destpêkerdene bi hawayêkê qerardarî dewam kenê
Nasir Yagiz 144, Fadîle Toke 84, Herêm Mehmûd û Gulebax Celale zî 28 rojî yo ke xoverdayîşê grevê vêşanîye de yê. Problemê weşîye yê Nasir Yagizî yo ke Hewlêr de 144 rojî yo grevê vêşanîye yê bêdem-bêagêrayîşî de yo her ke şono benê giran. Çalakîya grevê vêşanîye ya bidem-biagêrayîşî ya ke Temslîkarîya HDPyî de yena viraştene zî bi gruba 72ine dewam kena. Endamê Partîya Karkeran ê Sosyalîstan ê Îngilîstanî Steve Clark û endamê Partîya Komunîste Ogmûndûr Janssonî zî seba paştdayîşê xoverdayoxanê grevê vêşanîye şîyî serdana înan. Clark û Janssonî derheqê halo peyên ê çalakwananê grevê vêşanîye de hayîdarîyî girewtî.
MEXMÛR
Grevê vêşanîye yê endama Koordînasyonê Meclîsê Îştarî Fadîle Toke ke Kampa Mexmûrî de dabi destpêkerdene roja xo ya 84. de dewam keno. Grevê vêşanîye yo bidem-biagêrayîşo ke kewto roja 119ine zî no hewte hetê grûba 39ine ra ame dewrgirewtene. Çalakwanan bi qiseykerdişanê xo ard ziwan ke heta tecrîd nêro wedaritene ê do xoverdayîşê xo bidomnê.
SILÊMANÎYE
Seba qedînayîşê tecrîdê serê Rayberê Şarê Kurdî Abdullah Ocalanî grevê vêşanîye yo bêdem-biagêrayîşo ke 12ê Kanûne de Komela Karkeran ê Mezopotamya ya Silêmanî de amebi destpêkerdene kewt roja xo ya 121ine. Çalakîya bidem-bêagêrayîşî ya grevê vêşanîye bi gruba 61. dewam kena. Çalakwanan seba ke ê xoverdayîşanê grevê vêşanîye rê wayîr vejîyê sere de partîyanê sîyasîyan veng da heme hetanê eleqedaran. Grevê vêşanîye yê Herêm Mehmûdî roja 49ine, yê endama Meclîsê Herêma Germîyanî yê Têgêrayîşê Azadîye Gulebax Celale zî roja 28ine de yo. HEWLÊR
