Herêm Mehmûd ê ku li navçeya Kelarê li dijî tecrîdkirina Ocalan ev 51 roj in di grevê de ye da zanîn ku heta tecrîda li ser Ocalan neyê şikandin dê çalakiya xwe bi îradeyeke bihêz bidomîne
Greva birçîbûnê ya bêdem û bêdorvger a li dijî tecrîdkirina Rêberê Gelê Kurd Abdullah Ocalan a Herêm Mehmûd ê li navçeya Kelar a herêma Germiyan a başûrê Kurdistanê di roja 51’an de didome. Tevî rewşa xirab a tenduristiyê jî Herêm Mehmûd bi biryardarî çalakiya xwe didomîne û têkildarî rewşa tenduristiya xwe axivî.
Mehmûd têkildarî rewşa tenduristiyê agahî da û wiha got: “Çavên min zeyîf bûne û weke berê ez nabînim. Ez zêde nikarim kesan ji hev cuda bikim. Her wiha fîzîka min jî gelek lewaz bûye. Ez zêde nikarim xwe li ser pêyan bigirim. Nexweşiyên şeker û tansiyon jî çêbûne.”
Herêm Mehmûd da zanîn ku ew bi îradeyek bi hêz û moral çalakiya xwe didomîne û got ku heta tecrîd neyê şikandin dê çalakiya xwe bidomîne.
Her wiha gelek welatî û saziyên li herêma Kurdsitanê serdana Mehmûd dikin û piştgiriya çalakiyê dikin. Duh jî heyeta ji endamên Komîteya Şehîdên PKK’ê yên başûrê Kurdistanê pêk dihatin çûn serdana Mehmûd û piştgiriya xwe anîn ziman. KELAR
