Rixmo ke weçînitişanê 31ê Adare yê cayîyan de namzedê HDPyî yê Perîya ke pabesteya qezaya Mazgêrdî ya Orhan Çelebî û Songul Dogane bi ser kewtî mazbatayê înan hewna nêameyê dayene
Perîya ke pabesteyê Mazgêrdê Dêrsimî ya de weçînitişê cayîyî de namzedanê Partîya Şaran ya Demokratîke Orhan Çelebî û Songul Dogane rê mazbata hewna nêameya dayene. Rixmê hetê YSKyî ra redkerdişê îtîrazê CHPyî qerar hewna zî nêameyo şirawitene Heyetê Weçînitişî yê Qeza rê. Çelebîyî nêşirawîyayîşê qerarî rê reaksîyon da, ard ziwan ke no bicaardiş nêhuqûqîyêk a, ganî tavilî mazbatayê înan bidîyê.
Bi mazereto ke îtîrazê CHPyî yê netîceyan nêresayo Heyetê Weçînitişî yê Qeza mazbatayê namzedanê Şaredarîya Perî ya ke pbesteya qezaya Mazgêrdê Dêrsimî ya nêameyî dayene. Orhan Çelebîyo ke Hemşaredarîya Perî qezenc kerda derheqê babete de vat çîyo ke yeno kerdene bêhuqûqî ya û vat, “Heyetê Weçînitişî yo Berz nêverdano ma xizmetê şarê Perî bikerê. Ma wazenê ke tavilî peynîya nê halî bêro ardene.” DÊRSIM
