Hevşaredarên Bajarê Mezin ên Mêrdînê yê HDP’ê Ahmet Turk û Figen Altındag 15 roj şûnde duh mazbata xwe girtin. Derket holê ku rêveberiya qeyûm di 5’ê nîsanê de îhaleya 13 milyon tl daye şîrketa paravan û ji bo qeyûm îhale bide mazbata dereng hiştine
Partiya Demokratîk a Gelan (HDP), di hilbijartina 31’ê adarê de şaredariya Bajarê Mezin a Mêrdînê dîsa qezenç kir û ji destê qeyûm derxist. Li gel ku Hevşaredar Ahmet Turk û Figen Altindag di hilbijartinê de bi ser ketin jî heta 15’ê nîsanê mazbata nedan hevşaredaran. Hevşaredar Ahmet Turk û Fîgen Altindag piştî hilbijartin qezenç kirin duh di 15’ê nîsanê de çûn mazbata xwe girtin. Derket holê ku ji bo qeyûm îhaleyê pêşkêşî hevkarên xwe bike mazbata dereng hiştine. Derket holê ku rêveberiya qeyûm di 5’ê Nîsanê de îhaleya 13 milyon tl daye şîrketa paravan û ji bo qeyûm îhale bide mazbata dereng hiştine. Di bin baneyê Serokatiya Koordînasyona Şopandina Razemeniya Walîtiya Mêrdînê (YÎKOP) de piştî hilbijartinê di 5’ê nîsanê de “10 navendên jiyanê” û “karê rê û kevirên parke yên navçeyên Mêrdîn” derxistine îhaleyê. Hat diyar kirin ku bedela îhaleyê 13 milyon û 407 hezar û 975 TL ye. Îhale bi usula bazarê hat kirin û pêşkêşî şîrketa parazvanê kirin.
Fîrmaya Nûrpa ya aydî Karsazê Mêrdînî Nûrî Parlake meha borî bi hevkariya qeyûm ketibû îhaleya bi 30 milyon TL. Qeyûm bi isûla pazarê îhaleya 30 milyon TL dabû şîrketa Nûrpa. Li ser vê yekê mutahîtên Mêrdinê li dijî vê yekî isyan kiribûn û li Navenda Îxbarê ya Serokomariyê (CİMER) gilî kiribûn.
Hat diyarkirin ku di 5’e nisanê de ev îhale li ser şîrketên cuda dane xwediyê heman fîrmayê. MÊRDÎN
