Polîsên tirk êrîş birin ser çalakiya rûniştinê ya li ber Girtîgeha Gebzeyê ya malbatan û Hevseroka Bajêr a Stenbolê ya HDP’ê Esengul Demîr jî di nav de 20 kes binçav kirin
Malbatên girtiyan bi armanca piştgirî dayîna çalakiyên grevên birçîbûnê yên li dijî tecrîdkirin Rêberê Gelê Kurd Abdullah Ocalan ku di 9’ê nîsanê de li ber Girtîha Tîpa M a Gemze dest bi “Çalakiya Nobetê” kirin di roja 7’an de dewam kir û polîsan êrîş birin ser çalakiya xizmên girtiyan.
Polîsên tirk di êrîşê de derb li gelek kesan dan û 20 kes binçav kirin. Girseyê bi dirûşmeya “Bijî berxwedana zindanan’ li dijî hovîtiya polîsên tirk helwest nîşan da û ji bo biçin ber girtîgehê dest bi meşê kirin. Polîsên ku xwestin berzkirina dirûşmeyan asteng bikin, gelek kes derp kirin.
Welatiyên derdorê jî helwest nîşan dan û gotin: “Gelo mafê kombûyîna mirovan, daxuyanî dayînê û meş lidarxistin tuneye? Ev mafek e.”
Polîsan di dema êrîşê de, bi şaşî li amirê xwe jî dan. Kesên hatine binçavkirin, birin Midûriyeta Polîsan a navçeya Gebzeyê. STENBOL
