Qezaya Kanîreşî ya Çewlîgî de vewres kewt. Badê xebata bi saetan rayîrê ke vewresî vera padîyayî ameyî akerdene û rayîrê qezaya Çêrme hema zî padayeyî
Zimistano giran tay cayan de tesîrê xo hema zî domneno. Her çiqas ke Kurdistan û Tirkîye de wisar bêro zî qezayanê Kanîreşî û Çêrme de hema zî vewre varena. Varayîşê vewra zêde vera ge-ge hedîseyê xirab virazîyenî. Nê hedîseyan ra yew zî kewtişê vewresî yo.
Rayîrê dewa Kaynarpinarî ya qezaya Kanîreyî ya Çewlîgî vewres kewt û netîceyê vewresî de rayîrî padîyayî. Xebata akerdişê rayîran bi saetan dewam kerde û netîceyê xebatan de qismêk rayîrî ameyî akerdene.
Rayîrê dewa Kabayelî yê girêdayeyê qezaya Çêrme û dewê dorme hema zî padayeyî û hîrayîya vewre nizdîyê 2 metreyan a. Seba akerdişê rayîrî xebatî dewam kenî. ÇEWLÎG
