Endama Komîsyona Girtîgehan a ÎHD’ê Zeynep Ceren Bozoprak bal kişand ser rewşa tenduristiya girtiyên li girtîgehên herêma Marmarayê di greva birçîbûnê de ne û ji dema grevên birçîbûnê destpêkirine şûn ve girtî tim tên derbkirin
Komîsyona Girtîgehan a Şaxa Komeleya Mafên Mirova (ÎHD) a Stenbolê bal kişand ser rewşa girtiyên li girtîgehên herêma Marmarayê di greva birçîbûnê de ne û binpêkirina mafên girtiyan bi raya giştî re parve kir. Endamên Komîsyonê li avahiya ÎHD’a Stenbolê civîna çapemeniyê li dar xist û pankarta “Bila qanûn pêk werin û daxwaza greva birçîbûnê bên bersivandin” daliqandin.
Endama Komîsyonê Zeynep Ceren Botoprak anî ziman ku li girtîgehên herêma Marmarayê bi giştî 715 girtiyên nexweş di greva birçîbûnê ya bêdawî û bêdorveger de ne û ji dema grevên birçîbûnê destpêkirinê şûn ve girtî tim tên derbkirin.
Boztoprak binpêkirina mafên girtiyan ên li herêma Marmarayê jî parve kir. Boztoprak da zanîn ku li Girtîgeha Jinan a Bakirkoyê, li Girtîgeha Jinan Tîpa M a Gebzeyê, li Girtîgeha Jimara 1 a Tîpa F a Kandiraya Kocaeliyê, li Girtîgeha Jimarên 5 û 9 ên Silîvriyê û li Girtîgeha Jimara 1 a Tîpa F a Tekîrdagê li dijî girtiyan binpêkirina mafan pêk tê. Boztoprak ji bo bidawîkirina binpêkirina mafan bang li rayedaran kir. STENBOL
