Hemşaredarê HDPyî yê Perîya ke pabesteya qezaya Mazgêrdê Dêrsimî ya Orhan Çelebî û Songul Dogane vizêr mazbatayê xo girewtî û dest bi wezîfeyî kerdî
Hemşaredaranê Partîya Demokratîke ya Şaran (HDP) yê Perî yê Dêrsimî Orhan Çelebî û Songul Dogane vizêr dest bi wezîfeyê xo kerd. Perîya ke pabesteya Mazgêrdê Dêrsimî ya de weçînitişê cayîyî de namzedê HDPyî Orhan Çelebî û Songul Dogane yê ke ser kewtê, mazbataya ke ganî 1’ê Nisane de bigirewtêne, di hewteyî dima ra girewte. Hemşaredarê Perî Çelebî û Dogane yê ke akerdişê şaredarîye de qisey kerd, şarî rê spas kerd û vat ke ê do umîdî gird bikerê û xizmeto ke şarê Perî heq keno bidê înan. DÊRSIM
