TJA derheqê hêrişê polîsan yê vera dayîkan ê Gebze û Qoserî de eşkerayîyêk daye û va: “Dayîkê ke bi leçeganê xo yê sîpîyan bicesaret verbi haştiye şinê rê no hêriş nêno qebûlkerdene.”
Tevgerê Cinîyanê Azadan (TJA) bi eşkerayîyêk hêrişê polîsan ê vera dayîkan ê Gebze û Qoserî şermezar kerd.
Eşkerayîye de ca dîya nînan: “Grevê vêşanîye ke rayberîya Leyla Guvene de ameyî destpêkerdene rê paştdayîş her roje zafêr beno. Dayîkê ke qijê înan zîndanan de bedenê xo dayê verê vêşanîye, seba ke vengê qijanê xo bidê eşnawetene çalakîyanê roniştişî virazene. Tewr peynî de Gebze û Qoser de hêrişê polîsan ê vera nê dayîkan ame qeydkerdene û no wehşet ame dîyayene. Nê hêrişê zîhnîyetê faşîstî sucê merdimîye yê. Ma sey TJA no hêrişo ke dayîkê ke bi leçeganê xo yê sîpîya bicesaretî verbi haştiye şinê rê yeno kerdene qebûl nêkenê û wazene ke cade perbirsîyarî bêrî cezakerdene. Semedê hesabpersayîşê nê herîşan ganî xoverdayîş bêro girdkerdene. Vernî de cinî ganî her kes semedê berzkerdişê vengê xoverdayoxan û vera hêrişan mucadeleyî gird bikero.” AMED
