Girtiyên ku hatine berdan, çalakiya xwe ya greva birçîbûnê li malên xwe didomînin. Mahsûn Şen 108 roj, Mûrat Aksin 39 roj û Gûrbet Ektîren jî 98 roj in di çalakiyê de ne
Li navçeya Dêrika Mêrdînê 3 çalakgerên ji bo rakirina tecrîda li ser Rêberê Gelê Kurd Abdullah Ocalan dem li girtîgehê de bûn dest bi greva birçîbûnê ya bêdem û bêdorveger kirin, piştî hatin berdan jî li malên xwe çalakiya xwe didomînin. Çalakiya Mahsûm Şen di roja 108’an, ya Gûrbet Ektîren di roja 98’an û ya Mûrat Aksîn jî di roja 39’an de didome.
Mahsûn Şen ê ku 108 roj in di greva birçîbînê de ye, di meha Hezîranê ya 2016’an li Dêrikê hat girtin û kirin Girtîgeha Tîpa E ya Mêrdînê. Şen di 17’ê nîsanê de hat berdan û ji wê rojê û vir ve çalakiya xwe li mala berdewam bike. Şen ji ber pirsgirêka hilstendinê, bi zorê diaxive, gurçik û movikên wî diêşin û tiştan ji bîr dike. Bijîşkên Odeya Bijîşkên Mêrdînê (MTO) yên hatine peywirdarkirin, her roj kontrola tenduristiya Şen dikin û pêdiviyên wî yên bingehîn ji aliyê malbatê ve tên kirin.
Aksin 25 roj in di grevê de ye
Mahsûm Aksin ê li Girtîgeha Tîpa E ya Mêrdînê dest bi greva birçîbûnê kir û piştî hat berdan, çalakiya xwe li malê dewam dike. Aksin bavê 6 zarokan e. Aksîn ê bi Mehsûn Şen re di heman dosyeyê de tên darizandin, di 1’ê adarê de dest bi greva birçîbûnê kir. Aksin di 25’ê adarê de hat berdan û çalakiya xwe li malê berdewam dike. Niha pirsgirkêk cîdî ya tenduristiya Aksin tuneye.
Kontrolên tenduristiyê tên kirin
Gûrbet Ektîren jî di sala 2015’an de hat girtin û di Girtîgeha Jinan a Bakirkoyê de ma. Ektîren ku di 15’ê çileye de dest bi greve kir û di 8’ê Adarê de hat berdan, çalakiya xwe li mala xwe didomîne. Kontrolên rûtin ên tenduristiya Ektîren tên kirin û pirsgirêkek cîdi ya tenduristiya wê tuneye. Lê hêdî hêdî êşên Ektîren dest pê kirine.
Hat zanîn ku birayê Ektîren ê piştî qedexeyên derketina derve yên li bajêr hat girtin Mehmet Ektîren û xalê wê Abdurrahman Şimşek jî, li Girtîgeha Tîpa E ya Mêrdînê ji 1’ê adarê ve di greva birçîbûnê ya bêdem û bêdorveger de ne. MÊRDÎN
