Anqara de polîsanê tirkî hêrişê avûkat û pawitoxê heqê merdimanê ke endamê komîsyonê grevê vêşanîye kerd. Polîsan sîlehî şuxulnayî û xeylî kesan tepiştî
Komîsyonê Grevê Vêşanîye yo ke seba teqîpkerdişê tepişteyanê ke vera tecrîdê serê Rayberê Şarê Kurdî Abdullah Ocalanî grevê vêşanîye de yê ameyo ronayene, waşt ke Meydanê Kizilayî yê Anqara de eşkerayî bido. Polîsan bi sîlehan hêriş kerd xeylî kesan tepiştî.
Komîsyono ke komele sey Komeleya Heqê Merdiman (ÎHD), Weqfa Heqê Merdiman ya Tirkîya (TÎHV) Platformê Huqûqnasanê Azadîwaştoxan (OHP) û Komela Huqûqnasanê Hemdeman (ÇHD) tede ca gênê waştî ke eşkerayîyêk bidî û bale biancê rewşa çalakwananê hepsîyan ser û dima ra zî raporê xo bidê Wezîrîya Edeletî. La polîsan destûr ci nêda û hêriş kerd. Hêrişê polîsan de hem-vervatoxa HDKyî ya Enqere Fatma Kiliçarslane sereyê xo ra derbe girewte û nêweşxane rê ameye wedartene. Avûkatî Kenan Maçoglu, Veysî Eksî, Ahmet Baran û Bulent Aşa zî ameyî destbendkerdene. Eşkerayî do banê ÎHDyî de bêro dayene. ANQARA
