Amed de merdimanê tepişteyan semedê baleantişê rewşa domanê xo waşt ke vernîya Zîndanê Amedî de eşkerayîyêk bidê la polîsan destûr înan nêda
Merdimê tepişteyanê ke domanê înan zîndan de semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye de yê waşt ke vernîya Zîndanê Amedî de eşkerayîya çapemenî bidê. Polîsan destûr nêda.
Polîsan bi tomayan dormeyê merdimanê tepişteyan girewt û nêverda ê eşkerayî bidê. Çalakwanan bi çapik û tilîlîyan reaksîyon da. Polîsan waşt keyeyan bi zorî bi wesayîtan herêmî ra vejo, vera mudexaleyê polîsan keyeyanê tepişteyan bi slogana, ‘Biciwîyo xoverdayîşê zîndanan’ polîsî şermezar kerdî. Polîsan bi zorî keyeyê herêmî ra fînayî dûr. Dayîkanê tepişteyan hêrsê xo ardî ziwan û vtî: “Ma dayîkî, dayîkê şima zî estî. Domanê ma vêşanîye ra mirenê. Ma bêveng merdişê domanenê xo nêpawenê.” AMED
