Goreyê raporê Binpaykerdişê Heqanê Domanan yê 23ê Nîsana 2019î, par 217 domanî raştê îstîsmarî ameyî, 26 domanî ameyî qetilkerdene, 124 domananê xebatkaran cuya xo vîndî kerdî û 3 hezar domanî zîndanan de yê
Parlamenterê CHPyî yê Stanbolî Sezgîn Tanrikuluyo ke Komîsyonê Etudî yê Heqanê Merdiman yê Meclîsî de ca gêno, raporê 23ê Nîsan a2019î yo ke raporanê cîya-cîyayan ra hadre kerdo, eşkera kerd.
Goreyê raporî 2018 de 217 domanê îstîsmarî rê marûz mendî. 26 domanî ameyî qetilkerdene. Înan ra 11 domanê hetê pîyanê xo ra ameyî kiştene. 6 domanî bi dayîkanê xo ya pîya ameyî qetilkerdene. 5 domanî bi şîdetê pîyê xo 3 zî îstîsmarî ra dima ameyî qetilkerdene. Hûmara domananê xebatkaran çend şino zafêr bena. Goreyê naye her 5 domanan ra yew xebityeno. Demê OHALî de merdişê domananê xebatkaran zî zêdîya û 124 dimanê xebatkaran cuya xo vînî kerde. Waxtê hukmatê AKPyî de sey qetilkerdişê domanan zewajê domanan zî zedîya. 3 hezar domanî zîndana de yê. Reyna bi wesayîtanê zirxiranan ê hêzana dewlete 2 domanî ameyî qetilkerdene û 3 zî bîyî birîndar. Domanêk zî rîyê mayin ra merd. 2019 de zî 2 domananê macîran cuya xo vînî kerde. ANQARA
